Ej ni ma
Też nima, jak naszi niewiaście
Chłopek orze na ugorze, óna pije w mieście
Jak idzie z miasteczka, to sie podskakuje
A chłopeczek nieboraczek na nióm sie lutuje
Jak prziszła du dómu, szateczka ji spadła
Powiydz mi ty moja żónko, czymu żeś tak zbladła
Óna sie go pyto, kiela żeś ułoroł
Dwa zogónki moja żónko, bo'ch sie o cie staroł
A ón sie ji pyto, kiela żeś przepiła
Piynć tolarków mój chłopeczku, bo'ch sie nie bawiła
Jak prziszło na rano, zaprzóngnył do pługu
Nie bedziesz ty, żónko moja, wiyncej robić dłógu
Wyprzóngnył jóm z pługu, zaprzóngnył do haku
Nie bedziesz, ty żónko moja, wiyncej pić araku
Wyprzóngnył jóm z haku, zaprzóngnył do bróny
Dziwejcie se wszecy ludzie, jak sie ćwiczóm żóny
|
