Jadrobómba
W rezerwaci Krka nie usłyszisz Zwyrtka
U piwa za 20 Kuna u stołu se brkać
To rychleji narazisz na napitego krtka
Wodopady płaczóm, że nima Winnetua
Niechoł se zastrzelić, tako to była buła
Teraz siedzi w Tee-Pee w niebie wedle Manitua
Kupa ludzi sie przechodzo tu wtej krasnej sceneryji
Użiwajóm se słóneczka, użiwajóm se feryji
Zrakoplowy lotajóm, sladoledy sie lizajóm
Lignje na żaru papajóm, ledeni czaje tutajóm
Do Zadara – tramtara my nie jechali zadara
Kuny od nas wybiyrała delegatka Tamara
W Zadaru se stawiła do zadarskigo bazara
Słónko zatym zapadło na zapadzie nad morze
Óna za to ni może, bo je w bazaru w kumorze
Co to sóm za piekne zwuki? Morski organy – oj Boże, oj Boże, oj Boże
Kupa ludzi sie przechodzo tu po tym krasnym miasteczku
Użiwajóm se wieczora, użiwajóm se chłódeczku
Zrakoplowy lotajóm, sladoledy sie lizajóm
Lignje na żaru papajóm, ledeni czaje tutajóm
Na otok do Tkonu płynie Jadrolinija
Wyludnióne plaże tam objewiła partyja
Grylujóm tam baby - gołe niadra – kumedyja!
Potopiała se tam aj naszo familija
Miyndzy rzasami ze sznorchlym, nurkowacimi brylami
Za krabami, rybkami, jeżkami a muszliczkami
Co to tam trczi z tego dna? Wypado to jak bómba
Gdybych do tego kopnył, zrobiło by to bum – bac!
Hejno racków by zleciało se na czyrwiónóm plame
Prziszeł by smutny telegram na tate a na mame
Zrakoplowy by lotały, sladoledy sie lizały
Lignje na żaru papały, ledeni czaje tutały
A Zrakoplowy lotajóm, sladoledy sie lizajóm
Lignje na żaru papajóm, ledeni czaje tutajóm
© Tomáš Tomanek 2004
|
