Album
Hned na piyrwszi strónce twojigo albumu
Je w Czeladnej szpitol, kaj žeś prziszła na świat
Prziwiyzła cie tamstyl až mama do dómu
Wlepujóm se fotki, mo žiwot rychły spad
Do listu rodnego wpisali - Maria
Na gminie byl zapis, w kościele cie krzcili
Starka, starzik, mama, tata, ujec, ciotka
Wszecy nad lóžeczkym ci szczynścio žiczili
Už mosz jedyn roczek a je žeś zfultano
Od tego jak grzebiesz se w dorcie palcami
A na dalszich fotkach žeś už je w jesliczkach
Nieskorzi zaś w szkółce bawisz se z dzieckami
Z aktówkóm na plecach 1.9.
Wykrocziłaś do szkoły, tam se siedła w ławke
Gdo ba tež powiedzioł, jak wyndziesz ze szkoły
Že se pujdziesz uczić prawie za kelnerke
Miyszajóm se fotki szkolne z rodzinnymi
Sem tam miyndzy nimi je twarz synka młodego
Ku kóńcu albumu bywo nejczynścieji
Fotka z Mostów draka - Kawulokowego
Dalszi fotki wlepióm se tam za dwa tydnie
Ty w biolutkich szatach , ón w nowym ancugu
Bedziecie už czakać co chwila małego
Jak se wróci Roman z manewrów od cugu
Kupicie se potym zaś album ganc nowy
Do niego wlepicie se waszich dziecek fotki
Užiwejcie słónka a chodzce na jagody
Chcioł bych aby žiwot wasz był
Abnormalnie slodki
(červen 87) © Tomáš Tomanek
|
